一首讓我聽了心酸感動的歌 , 勾起我與阿公阿嬤一起生活的回憶 !
詞/曲/Vocal:安妮 吉他/編曲:阿樊
故鄉的暗暝，總是有尚光的月娘
紅紅的庄仔厝，常常出現置阮夢中
是阿媽手內抱著阮，站置亭仔跤
講著古早的故事，唱著古早的歌
阿爸跟阿母，置城市塊打拼
很久，很久，嘸識返來看我
是阿媽手內牽著阮，叫阮要好好仔走
不管未來的路途是按怎，阮永遠是伊的心肝
阮是阿媽的囝仔，伊用雙手把阮晟養大
阮一工一工大漢，伊越行腳步踏越慢
阮是阿媽的囝仔，我跟伊兩個人來作伴
阮睏置伊的腳蔗背，抬頭就看見伊的白頭鬃 伊的白頭鬃
大漢的時陣，我嘛到城市去打拼
很久，很久，嘸識返去看阿媽
出外走奔這多冬，才知影只有伊是尚疼我
想欲返去給伊擁，擱聽伊唱彼條囝仔歌
阮是阿媽的囝仔，伊用雙手把阮晟養大
阮一工一工大漢，伊越行腳步踏越慢
阮是阿媽的囝仔，我跟伊兩個人來作伴
阮睏置伊的腳蔗背，抬頭就看見伊的白頭鬃
阿媽的白頭鬃 ，是我永遠的思念
用行動支持安妮朵拉的音樂！
